فیفا ورلڈکپ: وی اے آر آفیشل کے متنازع اشارے سے متعلق فیفا کا اہم اعلان

شان ایونز نے وضاحت کرتے ہوئے کہا کہ وہ اس حرکت سے لاعلم تھے اور یہ محض ایک غیر ارادی اور لاشعوری جنبش تھی

فیفا کی جانب سے متنازع اشارہ کرنے والے وی اے آر آفیشل شان ایونز کو کلین چٹ دے دی گئی۔

برطانوی نشریاتی ادارے کی رپورٹ کے مطابق متنازع اشارہ کرنے والے ویڈیو اسسٹنٹ ریفری شان ایونز کو فیفا نے تحقیقات کے بعد مکمل طور پر کلیئر قرار دے دیا ہے۔

جرمنی اور کیوراساؤ کے درمیان میچ سے قبل عالمی نشریات کے دوران ڈیلاس میں قائم وی اے آر حب کی تصاویر دکھائی گئیں جہاں آسٹریلوی آفیشل شان ایونز کیمرے میں ایک الٹے ’او کے‘ طرز کے ہاتھ کے اشارے کے ساتھ نظر آئے۔

سوشل میڈیا پر اس اشارے کے ’سفید فام بالادستی سے منسلک علامت‘ سمیت مختلف معنی اخذ کیے گئے اور معاملے نے فوری طور پر بحث چھیڑ دی۔

🚨 KONTROVERSI VAR PIALA DUNIA!Wasit VAR di pertandingan Jerman vs Curaçao ketahuan bikin gesture “OK” dengan tangan.Yang di kalangan ekstrem kanan ini adalah kode White Power.Apakah ini cuma kebetulan biasa? Atau memang ada agenda? 👀FIFA perlu investigasi sih.…

فیفا کی جانب سے تحقیقات کے بعد یہ نتیجہ اخذ کیا گیا کہ ڈسپلنری کوڈ کی کسی بھی خلاف ورزی کا کوئی ثبوت نہیں ملا۔

شان ایونز نے وضاحت کرتے ہوئے کہا کہ وہ اس حرکت سے خود بھی لاعلم تھے اور یہ محض ایک غیر ارادی اور لاشعوری جنبش تھی۔

ان کے مطابق میچ کے دوران بنائی گئی دیگر ویڈیوز سے بھی ظاہر ہوتا ہے کہ وہ قلم پکڑتے ہوئے بار بار اسی نوعیت کی حرکات کر رہے تھے۔

FIFA has cleared the referee at the centre of a controversy over an alleged “White power” gesture, who has denied intentionally doing so. instead called it an “involuntary, subconscious twitch”.Ahead of Germany’s 7-1 victory over Curaçao on Sunday, support video assistant…pic.twitter.com/LVhDFL6VVK

38 سالہ آفیشل نے کہا کہ ورلڈ کپ میں فرائض انجام دینا ان کے کیریئر کا سب سے بڑا اعزاز ہے اور وہ ٹورنامنٹ کے باقی میچز میں بھی اپنے ساتھی ریفریز کی معاونت جاری رکھیں گے۔

تحقیقات مکمل ہونے کے بعد وہ آئندہ میچز کے لیے دستیاب رہیں گے۔