ایرانی صدر کا وزیراعظم سے رابطہ، وزیراعظم کی ایرانی صدر کو تاریخی امن دستاویز پر دستخط پر مبارک باد

ایرانی صدر مسعود پزشکیان نے وزیراعظم شہباز شریف سے ٹیلیفونک رابطہ کیا، اس دوران ایرانی صدر نے پاکستانی وزیراعظم اور فیلڈ مارشل کا خصوصی شکریہ ادا کیا۔

وزیراعظم آفس کی جانب سے جاری اعلامیہ کے مطابق دونوں ممالک کے رہنماؤں کا یہ اسلام آباد امن معاہدے پر دستخط کے بعد پہلا رابطہ ہے۔

دونوں رہنماؤں کے درمیان گفتگو 30 منٹ سے زائد جاری رہی، اس دوران وزیراعظم نے ایران کے سپریم لیڈر آیت اللّٰہ سید مجتبیٰ حسینی خامنہ ای کیلئے بھی پُرتپاک احترام اور نیک تمناؤں کا اظہار کیا۔

وزیراعظم نے امن معاہدے پر دستخط کے ایرانی فیصلے کو سراہا اور مذاکرات کے اگلے مرحلے کےلیے ایرانی قیادت کی کامیابی کی دعا کی۔

اسلام آباد مفاہمتی یادداشت پر امریکی صدر ڈونلڈ ٹرمپ اور ایران کے صدر مسعود پزشکیان کے دستخط موجود ہیں۔

اس دوران انہوں نے کہا کہ پاکستان ایک برادر اور ہمسایہ ملک کی حیثیت سے ہر شعبے میں ایران کی مکمل حمایت جاری رکھے گا۔

اعلامیہ کے مطابق ایرانی صدر مسعود پزشکیان نے وزیراعظم شہباز شریف اور فیلڈ مارشل سید عاصم منیر کا خصوصی شکریہ ادا کیا۔

ان کا کہنا تھا کہ دونوں شخصیات نے انتہائی مہارت، اخلاص اور دانشمندی سے ثالثی کے عمل کی کامیابی میں اہم کردار ادا کیا۔

مسعود پزشکیان نے سوشل میڈیا پر جاری بیان میں کہا کہ یہ ایک تاریخی دستاویز ہے اور ایک طاقتور ایران کا پیغام ہے کہ امن باہمی احترام کے سائے میں حاصل کیا جائے گا۔

ایرانی صدر نے کہا کہ پاکستان کی ثالثی کے اس عمل کو ایران ہمیشہ قدر کی نگاہ سے دیکھے گا، مشکل وقت میں پاکستان کی مثبت، تعمیری اور مخلصانہ حمایت کو ایران ہمیشہ یاد رکھے گا۔

ایرانی صدر مسعود پزشکیان نے پاکستانی عوام کے لیے نیک خواہشات کا اظہار کیا اور کہا کہ ایران باہمی دلچسپی کے تمام شعبوں میں پاکستان کے ساتھ دوطرفہ تعلقات کو مزید فروغ دینے کا خواہاں ہے۔

اعلامیہ کے مطابق دونوں رہنماؤں نے باہمی سہولت کے مطابق جلد ایک دوسرے کے دارالحکومتوں کے دورے پر اتفاق کیا۔ دونوں رہنماؤں نے آئندہ دنوں میں بھی مسلسل رابطے میں رہنے پر اتفاق کیا۔

الیکشن کمیشن نے گلگت بلتستان انتخابات کے سرکاری نتائج کا اعلان کردیا۔

کالعدم جوائنٹ ایکشن کمیٹی کے 150 شرپسند فورتھ شیڈول میں شامل کیے گئے ہیں۔ اس حوالے سے محکمہ داخلہ حکومت آزاد جموں و کشمیر نے نوٹیفکیشن جاری کر دیا۔

مولانا ہدایت الرحمان نے اس موقع پر کہا کہ ہمارے نوجوان گمراہ کن پروپیگنڈے اور سوشل میڈیا کے منفی استعمال کے باعث غلط راستے پر چلے گئے تھے۔

نائب وزیراعظم ، وزیر خارجہ سینیٹر اسحاق ڈار اور ایرانی ہم منصب عباس عراقچی میں ٹیلیفونک رابطہ ہوا ہے۔

پاکستان نیشنل شپنگ کارپوریشن (پی این ایس سی) نے ایم وی سبی سے متعلق رپورٹس پر وضاحت جاری کردی۔

اسلام آباد پولیس نے 2 خواتین کے قتل کے ملزم کو خیبرپختونخوا سے گرفتار کرلیا۔

سپریم کورٹ نے سروس ٹربیونل کا فیصلہ کالعدم قرار دیتے ہوئے متعلقہ جج کی برطرفی کی سزا بحال کر دی۔ عدالت نے قرار دیا کہ ہائی کورٹ کی جانب سے دی گئی برطرفی کی سزا درست تھی اور اسے برقرار رکھا جاتا ہے۔

اعلامیہ کے مطابق سعودی ولی عہد نے وزیراعظم کو ایران امریکا معاہدے پر مبارک باد دی اور فیلڈ مارشل سید عاصم منیر کی ان تھک کاوشوں کو سراہا۔

گلگت بلتستان میں حکومت سازی تاخیر کا شکار ہونے لگی، 12 دن بعد بھی کامیاب ارکان کے گزٹ نوٹیفکیشن جاری نہیں کیے جاسکے۔

کراچی کے علاقے بلدیہ ٹائون میں ڈمپر کی موٹر سائیکل کو ٹکر کے نیتجے میں 10 سالہ لڑکا جاں بحق جبکہ دوسرا زخمی ہوگیا۔

ایف بی آرحکام کے مطابق کمپنی کے لیے ریٹرن تاخیر پر اے ٹی ایل میں شمولیت کا سرچارج پہلے 25 ہزار روپے تھا، جسے 1 لاکھ روپے مقرر کرنے کی تجویز ہے۔

سونے کی قیمت کے حوالے سے اہل پاکستان کو بڑی خوشخبری مل گئی، فی تولہ 14 ہزار 900 روپے کی بڑی کمی سامنے آگئی۔

ایک بیان میں وزیراعظم کا کہنا ہے کہ پیٹرول کی قیمت میں 74 روپے اور ڈیزل کی قیمت میں 67 روپے کمی کی جا رہی ہے۔

قومی اسمبلی کی قائمہ کمیٹی برائے خزانہ میں امپورٹڈ لگژری گاڑیوں کی امپورٹ پر اسپیشل ایکسائز ڈیوٹی کی تجویز زیر بحث آگئی ۔

وزیر اعلیٰ نے کہا کہ ہمارا مطالبہ تھا بانی پی ٹی آئی کا بہترین اسپتال میں علاج ہو، ملاقاتیں بحال ہوں، خیبرپختونخوا کے عوام نے تیسری بار مسلسل تحریک انصاف کا اعتماد کیا ہے۔

الیکشن کمیشن نے گلگت بلتستان انتخابات کے سرکاری نتائج کا اعلان کردیا۔۔

ایک بیان میں وزیراعظم کا کہنا ہے کہ پیٹرول کی قیمت میں 74 روپے اور ڈیزل کی قیمت میں 67 روپے کمی کی جا رہی ہے۔۔

ڈونلڈ ٹرمپ نے کہا کہ وہ اسرائیل کو لبنان پر حملوں سے روک لیں گے، اسرائیل وہی کرتا ہے جو وہ کہتے ہیں۔۔

امریکا کی سابق وزیر خارجہ ہیلری کلنٹن نے انکشاف کیا ہے کہ اسرائیلی وزیراعظم بنیامین نیتن یاہو 2009 سے مسلسل ایران کے خلاف فوجی کارروائی کے لیے امریکی حمایت حاصل کرنے کی کوشش کرتے رہے ہیں۔

امریکا کے قائم مقام ڈائریکٹر آف نیشنل انٹیلی جنس(ڈی این آئی) بل پلٹے نے ادارے سے ہزاروں ملازمین نکالنے کا منصوبہ بنالیا۔۔

پروہاکی لیگ میں پاکستانی ٹیم کو بڑا دھچکا لگ گیا، کپتان عماد شکیل بٹ کو تاحال برطانیہ کا ویزہ نہیں مل سکا ہے۔۔