فیفا ورلڈکپ: ’میں واپس آگیا ہوں‘ رونالڈو کا دو گول کرکے ناقدین کو جواب

ذاتی ریکارڈز خوشی دیتے ہیں لیکن ان کی اولین ترجیح ہمیشہ ٹیم کی کامیابی ہوتی ہے، رونالڈو

پرتگال کے عالمی شہرت یافتہ فٹبالر کرسٹیانو رونالڈو نے ازبکستان کے خلاف شاندار کارکردگی دکھاتے ہوئے ناقدین کو بھرپور جواب دے دیا۔

پرتگال نے گروپ کے اہم میچ میں ازبکستان کو 0-5 سے شکست دی جس میں 41 سالہ رونالڈو نے دو گول اسکور کیے۔

میچ کے بعد رونالڈو نے کیمرے کے سامنے جذباتی انداز میں ’میں واپس آ گیا ہوں‘ کا نعرہ لگایا، جو ان لوگوں کے لیے واضح پیغام تھا جنہوں نے ورلڈ کپ کے آغاز میں ان کی صلاحیتوں پر سوالات اٹھائے تھے۔

Cristiano Ronaldo! 🇵🇹👑“I’M BACK! I’M BACK!!”pic.twitter.com/ERrw6R78EE

ابتدائی میچ میں ڈی آر کانگو کے خلاف پرتگال کے مایوس کن 1-1 ڈرا کے بعد رونالڈو کو شدید تنقید کا سامنا کرنا پڑا تھا۔

رونالڈو نے میچ کے چھٹے منٹ میں گول کرکے اپنی ٹیم کو برتری دلائی۔ بعد ازاں برونو فرنینڈس کے شاندار پاس پر دوسرا گول اسکور کرکے اپنی کارکردگی کو مزید یادگار بنا دیا۔

The first ever player in history of football to score in six World Cup tournament.It really meant alot to him.Ronaldo is him! The GOAT 🐐pic.twitter.com/0nhBpnuvzx

😂 Ronaldo telling Bruno where to put the ball.41 years with this speed!pic.twitter.com/IHzmZvqxHR

اس کے ساتھ ہی وہ فٹبال ورلڈ کپ کے چھ مختلف ایڈیشنز میں گول کرنے والے دنیا کے پہلے کھلاڑی بھی بن گئے۔

History for@Cristiano! 🇵🇹Cristiano Ronaldo has become the first player to score in six different@FIFAWorldCuptournaments! ⚽️pic.twitter.com/qI1Zvt0uJS

میچ کے بعد رونالڈو نے کہا کہ ذاتی ریکارڈز خوشی دیتے ہیں لیکن ان کی اولین ترجیح ہمیشہ ٹیم کی کامیابی ہوتی ہے۔

انہوں نے اعتراف کیا کہ گزشتہ ہفتہ مشکلات سے بھرپور تھا تاہم ٹیم نے محنت اور اعتماد کے ذریعے بھرپور واپسی کی اور اب وہ مزید بہتر کھیل پیش کرنے کے لیے تیار ہیں۔