کراچی، وفاقی تحقیقاتی ادارے کے چھاپے کیخلاف جیولرز مارکیٹ کے دکانداروں کا احتجاج

احتجاج کے دوران دکانداروں نے چھاپہ مار کارروائیوں کی مذمت اور شدید نعرے بازی کی

شہر قائد میں وفاقی تحقیقاتی ادارے کی چھاپے کے خلاف صدر جیولرز مارکیٹ کے دکانداروں کی جانب سے احتجاج کیا گیا جس کے باعث ٹریفک کی روانی شدید متاثر ہوگئی۔

احتجاج کے دوران دکانداروں کی جانب سے چھاپہ مار کارروائی کے مذمت کی گئی اور شدید نعرے بازی بھی کی گئی۔

واضح رہے کہ چند روز قبل وفاقی تحقیقاتی ادارے نے صدر جیولرز مارکیٹ میں چھاپہ مار کارروائی کرتے ہوئے ساڑھے 6 کروڑ روپے سے زائد مالیت کا اسمگل شدہ سونا اور چاندی قبضے میں لی تھی جس میں سونے اور چاندی کے تیار بسکٹ اور معروف برانڈ کی ڈائیاں اور مشینری بھی پکڑی گئی تھی۔

تاہم پولیس نے موقع پر پہنچ کر بات چیت کے بعد دکانداروں کو پرامن طور پر منتشر کر کے ٹریفک بحال کرا دیا ۔