پاک آسٹریلیا ون ڈے سیریز کیلیے میچ آفیشلز کا اعلان

سری لنکا کے سابق ٹیسٹ کرکٹر گریم لا برائے تینوں ون ڈے میچز میں میچ ریفری کے طور پر خدمات انجام دیں گے

پی سی بی نے پاکستان اور آسٹریلیا کے درمیان تین میچز پر مشتمل ون ڈے سیریز کے لیے آفیشلز کا اعلان کر دیا ہے۔

تفصیلات کے مطابق یہ سیریز 30 مئی سے 4 جون تک راولپنڈی اور لاہور میں کھیلی جائے گی۔

سری لنکا کے سابق ٹیسٹ کرکٹر گریم لا برائے تینوں ون ڈے میچز میں میچ ریفری کے طور پر خدمات انجام دیں گے۔

آن فیلڈ امپائرز کے طور پر آئی سی سی ایلیٹ پینل میں شامل پاکستان کے احسن رضا، انگلینڈ کے رچرڈ کیٹل برو اور سری لنکا کے کمار دھرما سینا ذمہ داریاں سنبھالیں گے۔

ان کے علاوہ آصف یعقوب، فیصل آفریدی اور ناصر حسین بھی بطور آن فیلڈ امپائر ذمہ داری نبھائیں گے۔

Match officials announced for Pakistan v Australia ODI seriesDetails here ➡️https://t.co/WZdVNuSCkb#PAKvAUSpic.twitter.com/N379UCmqpu

پہلے ون ڈے میں دھرما سینا کے ساتھ پاکستان کے آصف یعقوب میدان میں امپائر ہوں گے جبکہ دوسرے میچ میں فیصل آفریدی، کیٹل برو کے ساتھ خدمات انجام دیں گے۔

تیسرے ون ڈے میں احسن رضا اور دھرما سینا آن فیلڈ امپائرز ہوں گے اور ناصر حسین چوتھے امپائر کے فرائض انجام دیں گے۔