اسرائیلی اسنائپر شوٹر نے 3 سالہ بچے کو سر پر گولی مار کر شہید کردیا

بچے کی موت کی تصدیق  الاقصیٰ کے شہداء اسپتال میں کی گئی

غزہ میں اسرائیلی فوج کی فائرنگ سے تین سالہ فلسطینی بچہ شہید ہوگیا ہے۔

میڈیا رپورٹس کے مطابق غزہ میں اسرائیلی سفاک اہلکار نے 3 سالہ بچے کو سر پر گولی ماری جو اس کی بائیں آنکھ سے نکل گئی اور بچہ موقع پر ہی شہید ہوگیا۔

"Un francotirador israelí disparó en la cabeza a mi hijo de 3 años. fue un disparo directo a la cabeza, la bala le salió por el ojo izquierdo. Mi hijo murió en mis brazos. desangrándose, fue ejecutado".Un padre palestino cuenta cómo su hijo de 3 años, Rayan, fue asesinado en…pic.twitter.com/3VuVYBO7KH

واقعے میں اسرائیلی اہلکار نے بچے کے والد کی ٹانگ پر بھی گولی ماری جو اپنے بیٹے کو گود میں اٹھائے ہوئے تھے۔

اہل خانہ کا کہنا ہے کہ یہ جوڑا 'یلو لائن' کے علاقے سے باہر تھا جب فوجیوں نے ایک متروک مکان سے فائرنگ کی۔ 3 سالہ بچے کی شناخت ریان نام سے ہوئی جس کی موت کی تصدیق  الاقصیٰ کے شہداء اسپتال میں کی گئی جب کہ والد زیر علاج ہیں۔