فلوٹیلا کارکنوں کی گرفتاری پر کینیڈا میں اسرائیلی سفیر طلب

کینیڈا پہلے ہی بن گویر پر اثاثے منجمد کرنے اور سفری پابندیوں سمیت سخت پابندیاں عائد کر چکا ہے

کینیڈا نے غزہ جانے والے فلوٹیلا کارکنوں کی گرفتاری پر اسرائیلی سفیر کو طلب کر لیا۔

میڈیا رپورٹس کے مطابق کینیڈین وزیراعظم مارک کارنی نے بن گویر کی جانب سے جاری ویڈیو پر بھی ردعمل دیا۔

کینیڈین وزیر خارجہ نے اسرائیلی سفیر کو کینیڈین شہریوں کی حفاظت سے متعلق وضاحت طلب کرنے کی ہدایت دی۔

کینیڈین وزیراعظم کا کہنا تھا کہ کینیڈا پہلے ہی بن گویر پر اثاثے منجمد کرنے اور سفری پابندیوں سمیت سخت پابندیاں عائد کر چکا ہے۔ یہ پابندیاں تشدد پر اکسانے کے بار بار بیانات کے باعث لگائی گئیں۔