ترکیہ نے شام میں 10 مشتبہ داعش کارکنان کو گرفتار کرلیا

مشتبہ افراد کا تعلق ترکیہ میں ماضی کے حملوں سے ہے

ترکیہ کی انٹیلی جنس ایجنسی ایم آئی ٹی شام میں داعش کے 10 مشتبہ دہشتگردوں کو پکڑ کر واپس ترکیہ لے آئی ہے۔

انادولو نیوز ایجنسی نے سیکیورٹی ذرائع کے حوالے سے بتایا کہ شامی انٹیلی جنس کے ساتھ مل کر کی گئی کارروائی میں پکڑے گئے مشتبہ افراد کا تعلق ترکیہ میں ماضی کے حملوں سے ہے۔

مشتبہ افراد جن کا تعلق ترکیہ سے ہی ہے، میں سے ایک انقرہ ٹرین اسٹیشن پر 2015 میں ہونے والے بم حملے کے مجرموں سے تعلق رکھتا ہے جس میں 100 سے زیادہ لوگ مارے گئے تھے۔

ذرائع نے بتایا کہ حراست میں لیے گئے افراد میں سے ایک اور کارکن داعش کے ترکیہ گروپ کے سربراہ کے طور پر کام کرتا تھا۔