بھارتی طیاروں کی پاکستانی فضائی حدود استعمال کرنے کی پابندی میں مزید توسیع

پاکستان ایئرپورٹس اتھارٹی (پی اے اے) نے اس حوالے سے نوٹم جاری کردیا

حکومت نے بھارتی طیاروں پر پاکستانی فضائی حدود استعمال کرنے کی پابندی میں 24 جولائی تک توسیع کردی۔

ایکسپریس نیوز کے مطابق حکومت نے بھارتی طیاروں کی جانب سے پاکستانی فضائی حدود استعمال کرنے کی پابندی میں ایک بار پھر توسیع کردی ہے۔

پاکستان ایئرپورٹس اتھارٹی (پی اے اے) کے جاری کردی نوٹم کے مطابق بھارتی طیاروں (سول و فوجی) پر پابندی 16 جون شام 5 بج کر 50 منٹ سے 24 جولائی صبح 4 بج کر 59 منٹ تک عائد رہے گی۔